صدك تقبل حبيبي الغيرك ايصير؟؟؟

صدك تقبل حبيبي لغيري هسة تصير؟؟
وصدك مليت مني وبعد متحبني؟؟
وصدك هانت عليك اسنينه الحلوات
وما هانت عليك شلون تتركني؟؟
من يمته المذاهب نحسبلها حساب؟؟
ومن يمته الطوائف جانت تهمني؟؟
أنه لمن عشكتك ما سألت الناس
ولا جنت ادري اصلك شيعي لو سني
شجاك تغيرت وب***ك انته شصار؟؟
جنت تموت بية وجنت تعبدني
وجنت اتنفسك وانته الهوه بدنياي
وجنت لو تبتعد لحظات .. تخنكني
معقولة الورد ينكر جميل الماي؟؟
وانته بهالسهولة تنازلت عني؟؟
ما أنكر مقصر إجت فترة وياك
لكن مو بدية الوكت يجبرني
شفت يمك نفط وابين اديك الماي
وأنه بناري اشتعل ردتك تخلصني
لكيتك بالعكس مايَك شمرته ابعيد
وجبت النفط بيدك حته تحركني
شسولفلك بعد؟ طعم السوالف راح
ردت منك توافي وخيبت ظني
أدري الوكت هو الخله ***ك هيج
وادري الطائفية الباكتك مني
وقبل لا تبتعد عندي سؤال ارجوك
فكر وية روحك عود جاوبني :
باجر لو متت وتشوفني بتابوت
هم تبجي علية وبعد تذكرني؟؟؟؟؟

تحياتــــــــــــي

يسلموووووووووووووعلاوي

مشكور حبيبي على هذا الموضوع الجميل تقبل مروري

تسلم حبي على هذا الموضوع الجميل وعاشت ايدك تقبل مروري

يسلمو وعاشت ايدك اخوية

يسلمووووووووووووووووووووووووووو