خاف أحجي ويكَولون سب الحكومه * كفاره يطّي النوب يرهن إهدومه
سولف يبعد إجلاي ويحلها حلال * إضبط إعصابك زين كون أنت رجال
ذب شصّك وبعدين تصفي القضيه * لو سجن سبع إسنين لو تطّي ديّه
مو شص وحكَ عيناك سلّيه ذبيت * خلي اليصير يصير خلي أهجم البيت
مرت علينه إسنين بس نسمع أخبار * بلكي إنقلاب إيصير والطاغي ينهار
ما قصّر الله إبهاي ودّه البطل بوش * داس إبطن صدام وتفلش الحوش
خابرت أمي إبساع يا يمه وينج * باجر نرد للبيت خل تكّر عينج
هلهلت يم الباب وإلتمت الناس * مبروك ألف عالخير راح إبن المداس
من غبشه كَبل الناس راحت على السوكَ * جابت حضن صمون عود إنّه ريّوكَ
شعلت بخور النوب وتبخر الدار * عام ونص إمتانين والقوري بالنار
أيست والأيام طالن عليها * وردت مثل ما جان تصفج بأديها
فرحتنه بالتغيير طلعت حلم نوم * مثل السراب وراح ما يبكَه للدوم
كَلنه الفرج والخير والحظ إجانه * مثل الي راد إكَرون كَصوا له إذانه
نفس الصفر والطاس ما بيّن الزين * بس رحمه مو ممنوع نبجي إعلى الحسين
كَالوا بعد سنتين ونوزع إبيوت * تاليها حتى المات ما عنده تابوت
كيّفنه كَلنه نصير مثل الإمارات * ماي وضوه وتبليط مو بس قرارات
حجّتهم إستقرار مامش بالبلاد * تانونه عشر إسنين ونضوي بغداد
ننتظر عشر إسنين نحمي إعلى جوله * نتعارك إعلى إبريج ما عدنه لوله
جا ولكم شتردون غير المسيرات * يتنفس الجوعان حي بعده ما مات
رحمه العلم سواه مجلسنه لونين * إقماشه من باريس وفلوسه بالدين
إمبارك وعالخير هاي العداله * صبح ومسه إيغنون عالبرتقاله
إلنوبه خاف التين من يسمع إيغار * وبساحة الفردوس يحتج على الصار
خل يحتج الرمان خل يحتج التين * مليوصه هيه وشاخ بالديره الكَطين
نومتنه هاي إهنا للجمري يهواي * لمن يرد إردود ويغرب الماي
سولف يبعد إجلاي ويحلها حلال * إضبط إعصابك زين كون أنت رجال
ذب شصّك وبعدين تصفي القضيه * لو سجن سبع إسنين لو تطّي ديّه
مو شص وحكَ عيناك سلّيه ذبيت * خلي اليصير يصير خلي أهجم البيت
مرت علينه إسنين بس نسمع أخبار * بلكي إنقلاب إيصير والطاغي ينهار
ما قصّر الله إبهاي ودّه البطل بوش * داس إبطن صدام وتفلش الحوش
خابرت أمي إبساع يا يمه وينج * باجر نرد للبيت خل تكّر عينج
هلهلت يم الباب وإلتمت الناس * مبروك ألف عالخير راح إبن المداس
من غبشه كَبل الناس راحت على السوكَ * جابت حضن صمون عود إنّه ريّوكَ
شعلت بخور النوب وتبخر الدار * عام ونص إمتانين والقوري بالنار
أيست والأيام طالن عليها * وردت مثل ما جان تصفج بأديها
فرحتنه بالتغيير طلعت حلم نوم * مثل السراب وراح ما يبكَه للدوم
كَلنه الفرج والخير والحظ إجانه * مثل الي راد إكَرون كَصوا له إذانه
نفس الصفر والطاس ما بيّن الزين * بس رحمه مو ممنوع نبجي إعلى الحسين
كَالوا بعد سنتين ونوزع إبيوت * تاليها حتى المات ما عنده تابوت
كيّفنه كَلنه نصير مثل الإمارات * ماي وضوه وتبليط مو بس قرارات
حجّتهم إستقرار مامش بالبلاد * تانونه عشر إسنين ونضوي بغداد
ننتظر عشر إسنين نحمي إعلى جوله * نتعارك إعلى إبريج ما عدنه لوله
جا ولكم شتردون غير المسيرات * يتنفس الجوعان حي بعده ما مات
رحمه العلم سواه مجلسنه لونين * إقماشه من باريس وفلوسه بالدين
إمبارك وعالخير هاي العداله * صبح ومسه إيغنون عالبرتقاله
إلنوبه خاف التين من يسمع إيغار * وبساحة الفردوس يحتج على الصار
خل يحتج الرمان خل يحتج التين * مليوصه هيه وشاخ بالديره الكَطين
نومتنه هاي إهنا للجمري يهواي * لمن يرد إردود ويغرب الماي
الخميس يونيو 18, 2009 12:12 pm من طرف زائر
» كلمات اغنية تخيل لحاتم العراقي
الجمعة مايو 29, 2009 11:13 am من طرف الوردة البضاء
» اني عضوه جديدة ارجو الترحيب
الثلاثاء فبراير 24, 2009 6:15 am من طرف عاشقه الضباب
» ممكن نتعرف على الاعضاء الكرام
الثلاثاء فبراير 24, 2009 5:58 am من طرف عاشقه الضباب
» اغنية تامر حسني متوصنيش
الثلاثاء فبراير 24, 2009 5:30 am من طرف عاشقه الضباب
» ادخل واسمع اغنية رووووووعة لنانسي عجرم لمسة ايد
الثلاثاء فبراير 24, 2009 5:26 am من طرف عاشقه الضباب
» صباااااااااااااااااااح الخير
الأربعاء ديسمبر 31, 2008 7:23 pm من طرف al_aned_2_0_0_7
» شعر للبطل العراقي منتظر
الإثنين ديسمبر 15, 2008 2:07 pm من طرف سعد العاني
» السلام عليكم ورحمة الله وبركاته
الأربعاء ديسمبر 03, 2008 10:56 am من طرف al_aned_2_0_0_7
» حب وحنان وغزل
الأربعاء نوفمبر 26, 2008 4:34 am من طرف نبعه